87. Bednaga njunje birra

Da dulutja subtsastijjin, ahte gävdnut galgaj dakkár almatjsládja, gänne lij bära aktta juolgge ja njunnje galgaj gunik bednaga njunnje ja de dat galgaj háppset, gåså kristaalmatja vulggin. De lij såmes ájgen aktta stuorra suola ja de almatja harmástuvvuji dán suollagij. Valla e gåkte suv fáhtát. De gujt udtju bednaga njunjev. Atja dat háppset, gånne dat suola lij. De gåsse dat suola gulaj de lijjin dalle dat stáđan stuorra almatjdåhkke. De vádtsá dát suola dáj almatjij siehkáj ja vil tjuodtjat sån gárvvogårrojij gasskaj ja jahttá: "De sa dalle bednaga njunnje häpsitj mijáv gárvvogårrojijt. Ep mij gätj dalle vidditja gájkka vijddis biehkijt ruopptot." De sån dalle ietjavs hållá gárvvogårrojin. De båhtá dalle bednaga njunnje ja hápsádallá aktas das mubbáj ja gu dalle båhtá dun suollaga gugu ja dav háppset, de lij sån lägim giehtaj vierjov ja gu dalle båhtá hápsádallat de tsábmestij sån dajna vierjujna dan njunnjáj ja de dan njunnje varddegudij ja idtjij dist vil aktavk hápse. De nåvte besaj dat suola dán bálen ja idtjij bådádalá fáŋŋgaj. gárvvogårroj skräddare lägit laga (lágit med omljud)